Igama Islam di Tiongkok

SinPo.id -

Igama Islam di Tiongkok.

Kapan igama Islam moelai tersiar di Tiongkok tida bisa dipastiken dengen betoel.

Parker ada bilang dalem ia poenja boekoe „China and Religion’’?p. 139): „None of their (Chinese) histories record a single word about the introduction of the Mohammedan faith" atawa ,Tiada ada barang satoe dari hikajat- hikajat Tionghoa jang bitjaraken — biarpoen bagimana pendek ? pemasoekan igama Islam di Tiongkok."

Dalem tahon 757 Khalief telah kirim satoe balatentara ka Tiongkok atas perniintahannja baginda Su Tsung dari dynastie Tang boeat bantoe membasmi rampok-rampok.

Ini solcladoe-soldadoe Islam tinggal di Tiongkok, menika di Sana dan iaorang 'poenja toeroenan boleh djadi ada orang-orang Islam jang pertama.

Djoega orang bilang satoe paman dari nabi Mohammad sendiri telah koendjoengin kota Canton dalem tahon 628.

Sasoedanja orang Mongool reboet lachta karadjahan di Tiongkok dan diriken Yuan dynastie igama Islam dibawa masoek ka Tiongkok bersama perdagangan; sebab soedagar-soedagar Islam di itoe niasa boekan sadja koendjoengin Canton, tetapi poen djoega Fukien dan Kiangsu.

ICublai Khan telah angkat saorang Islam sabagi gouverneur dari provincie Yunan.

Koetika bangsa Manchu mendjadi toean di Tiongkok bebrapa kali orang- orang Tionghoa dan Tslam telah brontak dengen sengit? pembrontakan-pembrontakan kaoem Moslimin di Tiongkok tjoema taoe kadjadian di bawah pamerentahannja Manchu-dynastie.

Sabelonnja ini dynastie mamerentah belon perna kadengeran orang Islam di Tiongkok berontak.

Di bawah pamerentahan dynastie terseboet iaorang telah terbitken hoeroehara dalem tahon 1818, 1826, 1834 dan 1855.

Dalem tahon jang terseboet jang paling blakang pembrontakan kaoem Moslimin ada jang paling heibat; ini pembrontakan dinamaken pembrontakan Y11 nan atawa kariboetan Panthay dan lamanja kira-kira 18 tahon.

Dalem ini kariboetan satoe millioen cljiwa telah ilang, dan sampe sekarang- provincie Yunan belon dapet ia poenja kamakmoeran jang doeloe kombali.

Djoega pembrontakan dalem tahon 1862 di Kansu dan Shensi ada heibat dan baroe bisa dibikin brenti, koetika Tso Tsung Tang sendiri kapalaken balatentara dalem tahon 1870.

Orang kata lantaran ini kariboetan pendoedoeknja Kansu toeroen dari lima belas sampe satoe millioen!

Blakangan terbit kombali kariboetan antara kaoem Islam di Kashgaria dan bebrapa bagian laen dari karatdjahan Tiongkok di Azie-tengah.

Vakoob Beg alias An Chi Yen (jang terlahir dalem tahon 1820 di Khokand) angkat dirinja sabagi Khan dari kaoem Islam dalem tahon 1874 dan ia bisa memerentah satjara radja merdika 12 tahon lamanja.

Di itoe koetika banjak orang doega boleh djadi Tiongkok aken beroba mendjadi satoe negri Islam!

Tapi dalem tahon 1877 Tso Tsung Tang kombali toeroen tangan dan bisa reboet kombali kota-kota jang telah dirampas.

Dalem ini kariboetan orang bilang ada 10 millioen jang tiwas djiwanja.

Djoemblanja orang berigama Islam di Tiongkok tida kataoean terang.

Fihak Moslimin bilang ada 80 millioen jang berigama Islam di Tiongkok.

De Thiersant bilang tjoema ada 20 millioen.

Palladius bilang tida lebih dari 3 atawa 4 millioen.

Broomhall („Islam in China’’?1910) bilang iaorang poenja djoembla sedikitnja 5 dan sabanjaknja 10 millioen.

Lantaran kitab Koran tida boleh disalin ka dalem bahasa laen dan orang Islam dilarang makan babi, igama Islam soesa mendjadi igama oemoem di Tiongkok.

Tapi sabaliknja iaorang sama sekali tida dibentji lantaran berigama Islam oleh laen-laen pendoedoek Tionghoa.