Djalan di Atas Api

SinPo.id -

PEMBATJA tentoe sering denger tentang orang djalan di atas api zonder djadi kabakar atawa dapet loeka. Ini perboeatan jang mengheranken sering dilakoeken di sala satoe klenteng oleh orangorang jang tjo-tang atawa seperti kasoeroepan atawa jang bersoedjoet betoel pada twa-pe-kong di itoe klenteng. Tentoe sadja orang jang menjaksiken itoe perboeatan djadi taro 'kapertjajahan semingkin besar pada twa-pe-kong jang oemoemnja dianggep pengaroenja telah, bikin itoe orang-orang bisa djalan di api dengen slamet.

Tapi kabiasahan djalan di api boekan terdapet di sini dan di Tiongkok sadja tapi djoega di laenlaen negri, teroetama Japan dan India. Di boelan jang laloe ini matjem kapandean poen telah dioendjoek di Engeland oleh saorang Hindoe. Dalem satoe verslagnja di soerat kabar Times 'kita batja seperti brikoet:

Satoe demonstratie tentang djalan di atas api; jang masi oemoem dilakoeken oleh orang-orang priboemi dalem oepatjara-oepatjara igama di India dan laen-laen tempat, soeda kasiken satoe tontonan jang loear biasa dan menarik hati dalem satoe kebon dari roemahnja saorang particulier di Carshalton.

Itoe perboeatan telah dilakoeken oleh saorang Hindoe moeda, Kuda Bux, di hadepan anggota dari University of London Council for Psychical Research dan laen-laen penonton scientist.

Tentang djalan kaki di atas api, di negri-negri dimana itoe hal masi dilakoeken, ada berhoeboeng sama berbagi-bagi graad kapertjajahan sama igama, dan oepatjara igama, tapi practijknja ada satoe roepa jalah tentang djalan di atas barah jang marong dengen kaki terlandjang, zonder djadi terbakar atawa loeka. Di India itoe perboeatan sering dilakoeken oleh penidita-penidita, fakir-fakir, dan laen-laen ascetic. Ini kabiasahan ada terdapet djoga di Bulgarije, New Zealand, Japan, Fiji, Tahiti, Trinidad, Mauritius dan Honolulu. Ada sadjoemblah orang jang perna saksiken itoe perboeatan beranggepan bahoea itoe orang-orang priboemi jang djalan di atas api dengen kjaki terlandjang marika poenja koelit telapakan kaki memang soeda keras dan alot maka tida dapet loeka satoe apa. Tapi orang-orang laen jang selidikin itoe hal tida beranggepan demikian.

Demonstratie djalan atas api di Carshalton telah mengasi koetika pada sadjoemblah orang jang pikirannja critisch bikin penjaksian dan papreksahan sendiri. Kuda Bux jang kasi dirinja dipreksa dengen terliti, ada saorang Mohammedan Kashmiri, oemoer 30 taon dan Lerat badannja 8,5 stone. Ia bilang ia pertama peladjarin djalan di atas api di India waktoe ia beroesia 14 taon. la kata ia bisa lakoeken itoe oepatjara djalan di atas api kerna kakoeatannja iapoenja kapertjajahan dan kasoedjoetan bahoea sang api bakal titia bikin tjilaka pada dirinja. Dalem demonstratie di Carshalton ia djalan sampe doea kali di atas api zonder dapet loeka satoe apa jang bisa diliat.

Itoe api jang di indjek ada di dalem doea 'kobakan jang pandjangnja kira-kira 12 kaki, lebarnja anem kaki dan dalemnja 8 inch.

Materiaal jang digoenaken boeat sediaken api jalah balok kajoe eik toedjoe ton, kajoe, bakar biasa satoe ton, satoe gerobak areng kajoe, dan 10-gallon paraffin. Tatkala demonstratie dilakoeken itoe kobakan api soeda berkobar delapan djaam lamanja dan areng kajoe jang ditaro di atasnja dikipas oleh angin hingga djadi marong dan panas betoel. Timbangan panas di atas itoe kobakan api soeda ditimbang ada 800 graad Fahrenheit.

Kuda Bux dengen kaki terlandjang djalan doea kali di itoe kobakan api jang pandjangnja 12 kaki, iapoenja kaki contact sama barah jang marong kira-kira lima seconde saban kali. Saban seabisnja djalan iapoenja kaki dipreksa oleh Professor Pannet, Directeur Surgical Unit dari St. Mary Hospital, jang dapet kanjatahan bahoea itoe kaki tida melepoeh atawa dapet laen matjem. loeka. Di bagian jang legok dari Kuda Bux poenja telapakan kaki Professor Bannet malah sosda tempelin sapotong court piaster pada sabelonnja djalan di api, dan Professor Pannet dapet kanjatahan maski itoe piaster poen tida angoes. Kuda Bux poenja kaki ditimbang panasnjawaktoe seabisnja djalan di atas api, dan orang dapet kanjatahan temperatuurnja ada sama sadja seperti sabelonnja djalan di api. Kuda Bux bilang ia tida merasa panas waktoe djalan di anteronja itoe kobakan jang penoe dengen barah marong, tapi seperti orang orang laen ia merasa panas waktoe berdiri deket sama itoe kobakan. Professor Pannet djoega dapet kanjatahan bahoea Kuda Bux poenjia koelit telapakan kaki tida keras atawa alot loear biasa.

Kuda Bux diminta djalan lagi boeat katiga kalinja di atas itoe api, tapi minta dimaafken. Ia kaliatannja dibikin terganggoe iapoenja pikiran dan emotie oleh oedjian-oedjian wetenschappelijk dan pekakas-pekakas wetenschap dan oleh kaheranan jang critisch dari sekalian penonton. Iapoenja alesan adalah bahoea iapoenja kasoedjoetan soeda terganggoe dan kaloear dari dirinja.

Pertjobahan boeat meniroe Kuda Bux djalan di atas api dengen kaki berlandjang telah dilakoeken oleh doea orang moeda jang menjaksiken, doea-doeanja djalan doeloe doaa tiga tindak di sepandjang barah jang panas tapi lantas lont jat kaloear dian kakinja pada melepoeh terbakar. Satoe antara itoe doea orang moeda jang bikin pertjobahan gagal adalah Mr. Digby Moynagh, redacteur dari St. Bartholomew’s Hospital Journal. C. Satoe thabib jang perna saksiken perboeatan djalan di atas api dilakoeken di desa-desa di India selatan, njataken opinie bahoea itoe pertjobahan soeda dilakoeken dengen papreksahan-papreksahan jang loear 'biasa keras jang bisa bikin toekang-toekang djalan di api djadi tida maoe. ”Itoe kobakan ada lebih tjetek dari biasanja,” ia kata, „tapi dengen menioep ke kerasnja angin bikin itoe api berkobar lebih keras dan bikin aboenja terbang hingga djadi lebih panas lagi. Itoe osdjian ada terlaloe keras, dan maski Kuda Bux dengen brani soeda djalan sampe doea kali tapi roepanja ia ada rasaken bahoea dalem itoe keadahan ia, soeda tida djalan begitoe baek sebagimana moestinja. Akoe tida pertjaja bahoea dalem ini hal ada apa-apa mendjoestain orang.”