Peroesahan bank Tiongkok.
SinPo.id -
Kapitaal dari Bank, of China jang soeda distort penoe sekarang ada $25.000.CO0, antara mana $5.000.000 ada oewang pamerentah Tiongkok jang dapet hak boeat pilih tiga antara sapoeloe directeuren. Voorzitter dari Board of Directors moesti disahken oleh ministerie oeroesan oewang doeloe.
Bank of China kaloearken oewang kertas sendiri dan pada tanggal 1 Januari 1929 oewang kertas jang disiarken oleh tjabang’ di Shanghai ada boeat djoemblah $111.950.376.
Laen bank Tionghoa dalem mana pamerentah sendiri ada toeroet tjampoer ada Bank of Communications jang moelain moentjoel pada 8 December 1907, hingga sekarang soeda 25 taon oesianja. Kapitaalnja ada $ 10.000.000 dalem 100.000 aandeelen dari masingmasing $ 100. Pamerentah Tiong'kok djadi aandeelhouder boeat djoemblah
20.000 aandeelen. Antara 15 directeuren, 3 diangkat oleh pamerentah.
Bank jang seanteronja ada milik pamerentah ada „Central Bank” dengen kapitaal permoelahan dari $20.000.000 dan dengen minister Soong Tze Wen sebagi „Governor". Poesatnja ini bank negri boekan di iboe kota Nanking, tapi di”iboe kota oewang”, jalah Shanghai.
Blakangkali djoega orang particulier hendak dikasi kasempetan boeat toeroet tjampoer dalem ini bank.
Djoemblahnja bank-bank Tionghoa jang besar dan ketjil ada sanget banjaknja dan menoeroet statistiek taon 1929 djoemblah bank-bank Tionghoa sadja ada, 232!
Bebrapa bank-bank Tionghoa telah bersariket dalem Shanghai Bankers Association, jalah:
1. Bank of Communications (Shanghai).
2. Bank of East Asia (Hongkong; kapitaal jang soeda distort $9.713.350).
3. Chekiang Industrial Bank (Shanghai; $1.800.000).
4. China & South Sea Bank (Shanghai; $7.500.000).
5. Chung Foo Union Bank (Tientsin; $1.500.000).
6. Chung Hwa Commercial & Savings Bank (Shanghai: $250.000).
7. Commercial Bank of China (Shanghai; 2.500.000 taels).
8. Continental Bank (Tientsin; $ 3.750.000).
9. Exchange Bank of China (Tientsin; 7.360.950 yen).
10. Great China Industrial Bank (Shanghai; $ 1.250.000).
11. Industrial and Commercial Bank (Hongkong; $ 1.301.455).
12. Kincheng Banking Corporation (Tientsin; $ 7.000.000).
13. National Commercial Bank (Shanghai; $ 2.500.000).
14. National Industrial Bank of China (Tientsin; $ 3.107.400).
15. Ningpo Commercial Bank (Shanghai; 15.000.000 taels).
16. Shanghai Commercial & Savings Bank (Shanghai: $ 2.500.000).
17. Sin Hwa Commercial Bank (Peiping; $ 2.000.000).
18. Tung- Lai Bank (Tientsin; $ 3.000.000).
19. Woosung-Shanghai Comm & Savings Bank (Shanghai).
20. Yien Yieh Commercial Bank (Peiping; $ 7.500.000).
21. Young Brothers Banking Corp. (Hankow; $ 1.000.000)
22. Yung Heng Banking Corp. (Shanghai; $ 500.000).
23. Ho Hong Bank (Singapore; $4.000.000).
Sebagi penoetoep boleh diwartaken jang di Shanghai poen ada bank speciaal boeat kaoem prampoean jang dioeroes oleh njonja-njonja Tionghoa, jalah „Woman’s Commercial & Savings Bank” di Shanghai dengen kapitaal distort dari satengah millioen dollar dan jang diboeka sedari taon 1924.
