Igama Boedha

SinPo.id -

Lantaran igama Boedha (Hoet Kauw, Fo Chiao) ada berpengaroe besar atas penghidoepan bangsa Tionghoa, kita rasa ada kapentingannja djoega aken bitjaraken sedikit ini igama jang berasal dari Hindia, negrinja bangsa Hindoe. Sebagimana pembatja taoe pendiri dari igama Boedha ada Gautama satoe poetra dari radja Kapilawastoe. Menoeroet kapertjajahannja orang jang peloek igama Boedha, satoe dewa jang moelia atawa malaikat telah mendjelema sabagi anak radja terseboet lepasken manoesia dari kasangsarahan. Baeklah paling doeloe kita toetoerken dengen ringkes Boedha poenja siwajat:

• Riwajatnja Boedha.

Ratoe Maja, permisoeri dari radja Soeddhodana jang mamerentah di Kapilawastoe kira-kira anem abad sabelonnja nabi Isa terlahir, telah melahirken satoe poetra jang dikasi nama Siddharta. Ini Siddharta blakangkali mendjadi pendiri dari igama Boedha. Lantaran ia poenja ajah ada dari familie Sakya, sekarang ia masi sering diseboet „Sakyamoeni” ataw „Orang boediman dari kaoem Sakya”. Djoega orang sering seboet ia sabagi „Samano Gautama" atawa „Orang bertapa-tapa Gautama", lantaran tó ada dari tjabang familie Sakya jang dinamaken ”Gautama”;itoe nama ”Boedlia” jang berarti ”Jang Berpengatahoean Dalem” ada ia poenja gelaran. Menoeroet tjerita sadari moeda soeda kaliatan ini poetra aken mendjadi satoe orang jang loear biasa. Sabagi anak radja tentoe sadja ia hidoep dengen senang, tetapi Siddharta tiada merasa senang dengen kaadahan dalem doenia. Ia liat bagimana manoesia hidoep tjoema sabentaran dan kamoedian meninggal; ia liat bagimana segala apa dalem penghidoepan tiada tentoe dan berwates maka dari itoe Siddharta moelai berpikir. Samingkin dalem ia berpikir, samingkin ia rasaken penghidoepan manoesia dalem doenia sabenarnja tjoema seperti bajangan sadja; dari itoe ia ambil poetoesan boeat tinggalken astana nja ia poenja ajah dan tjari satoe tempat jang soenji boeat bertapa. Sasoedanja bertapa Gautama balik kombali ka doenia aken siarken ia poenja perladjaran antara manoesia jang hidoep dalem kasangsarahan. Ia menoedjoe ka kota Benares di mana ia sampe di waktoe malem koetika boelan terang dalem boelan Ashada (Juni-Juli). Tiada lama lagi ia poenja moerid- moerid (Arhats) djoemblanja ada 60, ia kirim ini 6o moerid-nioerid ka ber- bagi-bagi djoeroesan dan sendiri ia pergi ka negri Oeroewela. Kamoedian ia brangkat ka kota Kadjagrha akcn katemoeken baginda Bimbisara ? sasoedanja mengoembara ka berbagi-bagi tempat aken siarken ia poenja perladjaran soetji, ia meninggal dalem oesia 8o - kira-kira dalem tahon 480 sabelonnja nabi Jezus terlahir. itoe koetika aloesnja ini orang soetji balik poelang ka Nirwana.

• Perladjarannja Boedha.

 Igama Boedha ada satoe igama jang maksoednja dalem, hingga di sini kita tjoema sanggoep bitjaraken bebrapa bagian dari Boedha poenja perladjaran jang paling njata dan terang. Manoesia hidoep boekan tjoema sa- kali dalem doenia, tetapi saban-saban balik kombali dalem laen badan atawa roepa. Ini anggepan bahoewa manoesia saban-saban tjoetsi kombali dinamaken reïncarnatie, satoe anggepan jang bla- kangkali disatoedjoeken oleh kaoem Theosophie (Liatlah weekblad Sin P o, No. 10).

Manoesia poenja beroentoeng atawa tiada beroentoeng dalem ini penghidoepan ada bergantoeng atas ia poenja penghidoepan-penghidoepan jang doeloean. Dalem itoe banjak penghidoepan- penghidoepan ia seperti sebar bibitnja kabroentoengan atawa katjilakahan boeat penghidoepan jang sekarang.  Dari itoe orang traoesa slempang ia poenja perboeatan-perboeatan jang moelia tiada terbales, sebab itoe kamoelia- han tentoe aken dibales, kaloe tiada dalem itoe penghidoepan di sala-satoe penghidoepan jang berikoet. Sabaliknja orang traoesa tjoba oempetken kadengkian hati atawa perboeatan jang djelek, lantaran itoe kadjahatan tentoe satoe kali aken menimpa atas kita poenja diri, Tni anggepan tentang „Karma” („Per- bocatan”)boekan sadja ada anggepannja Boedha, tetapi poen dari Brahniaismc jalah igama dari orang 11indoe jang soeda ada sabelonnja Boedha terlahir. liockan sadja ini anggepan tclapi poen banjak laen-laen bagiaij daii perladjarannja Boedha ada berasal (l,iri ini I jraliinaisme. 'l'ocdjocan dari samoca penghidoepan jang beroelang-oclang menoeroet per- lacljarannja, Boedha tiada laen dari sampeken kasocijihan jang begitoe tinggi hingga orang bisa sampe di Nirwana. Nirwana ada doea roepa, jakh N ir- wana oepadisesa dan Nirwana n i roepad i- sesa. Jang pertama ada kaadahan soelji dan beroentoeng dalem ini penghidoepan djoega, dan jang kadoea ada kaiidahan demikian jang malaenken bisa dirasaken sasoedanja meninggal. Sabagi djoCga igama Christen, i gama Boedha poen ada kasi sapoeloe atoeran (jang sabagian tjoema boeat padri) jang boenjinja saperti berikoet: 1. Ujanganlah boenoe barang ber- djiwa. 2. Djanganlah nientjoeri. 3. Djanganlah berboeat apa-apa jang melanggar kasoetjihan perhoeboengan antara lelaki dan prampoean. 4. Djanganlah bitjara djoesta. 5. Djanganlah minoem-minoeman keras. 6. Djanganlah makan di loewar waktoe jang ditetapken. . 7. Djanganlah rendah. S. Djanganlah atawa periasan. 9. Djanganlah pembaringan jang 10. Djanganlah tjari kaplesiran jang pake minjak wangi tidoer dalem satoe enak atawa indah, maoe trima oewang.

Ethiek dari igama Boedha ada satoe antara jang paling tinggi dalem doènia ; igama Christen soeroe orang menjinta manoesia, tetapi igama Boedha soeroe menjinta segala apa jang berdjiwa. Djoega binatang-binatang jang bagimana ketjil poen tiada boleh diperlakoeken kedjam ; igama Boedha boekan sadja maoe adaken persoedarahan antara sesama menoesia, tetapi poen antara sesama machloek. Kakajahan, dan laen-laen dari ini doenia menoesia djangan pandang sabagi hal-hal jang paling tinggi, lantaran dalem doenia samoca aken „liwat", tiada ada satoe jang bisa tinagal kekal („Sarvam anityam”).

 111. Hikajatnja igama Boedha.

 Seperti soeda dibilang igama Boedha terbit di Kapilawastoe, satoe tempat tiada berapa djaoe dari kota Benares dan jang terletak di sala-satoe tjabang dari soengei Ganges. Kira-kira di abad ka tiga sabelonnja nabi Isah terlahir di Hindia, ada hidoep baginda Asoka jang banjak berdjasa boeat igama Boedha. Ini radja jang bidjaksana dari itoe dipoedji tinggi sekali dalem kitab-kitab dari igama Boedha. Di itoe koetika igama Boedha mendesak ka laen-laen negri, dan tiada lama lagi ini igama hoendjoek pengaroenja di Ceylon, Tiongkok dan Bactric jang ditinggalken oleh bangsa Griek. Teroetama radja Menander dari orang Griek roepa-roepanja rasaken banjak sympathie boeat ini igama. Blakang kali igama Boedha terpetja dalem berbagi-bagi tjabang. Di Tiongkek igama Boedha moelain liiasoek dibawa pamerentahannja baginda Ming Tie (Bing Tee) (lari dje- nian Toeng Han (25 — 22Ó).

Baginda terseboet mamerentah antara tahon 57 dan 76. Tiongkok ada ambil bagian jang penting sekali dalem hikajatnja igama Boedha. Tjabang Mahayana dari ini igama mendjadi besar djoestroe di kita-orang poenja tanah-laloehoer, dan kitab-kitab jang moeat hal-lial jang berhoeboeng dengen Mahayana Boedhisme paling lengkap ada tertoelis dalem bahasa Tionghoa. Fa Hsien, Iluen Tsang clan 1 Ching poenja toelisan-toelisan ada besar sekali kapentingannja igama Boedha ? koetika igama Boedha dimoesoeken di Hindia patriarch (padri tinggi) jang ka 28, jalah Bodhidarma lari ka Tiongkok clan dengen begitoe mendjadi patriach dari igama Boedha jang pertama di Tiongkok dalem tahon 526, jalah di satoe koetika jang kaloet di sana. Sampe sekarang Tiongkok ada negri di mana ada tinggal paling banjak orang- orang jang menganoet igama Boedha. Di waktoe jang paling blakang iaorang toeroet bergerak dan diriken roepa-roepa perkoempoelan sebagi Fo Chiao Tsung Hui dan Chung Hwa Wang Man Tsu Flui atjiwa „Perkoempoe

lan Swatiska koening” jang maksoednja ampir sama dengen perkoempoelan , Roode Kruis" di Europa. Teroetama Tai Shu Fa Sze moesti diseboet sebagi satoe antara orang- orang jang paling giat bangoenken igama Boedha. IV. Pengaroenja igama Boedha. Pengaroenja igama Boedha ada besar sekali, boekan sadja di Hindia sendiri tetapi poen di negri-negri asing. Atas Tiongkok pengaroenja igama Boedha loear biasa pentingnja; tiada ada laen perladjaran jang berpengaroe begitoe besar atas kunst Tionghoa sabagi igama Boedha. Maka djoega Henri Borel ada bilang dalem ia poenja boekoe tentang ”l)

Salaennja Tiongkok djoega Thibet, Korea, Japan dan Java ada banjak di- pengaroeken oleh igama Boedha. Seperti pembatja taoe orang-orang Hindoe telah dateng ka Java kira'-kira 20 abad jang berselang dan antara laen-laen iaorang djoega bawa igama Boedha kamari. Sabagi djoega igama Christen ter- petja dalem berbagi-bagi tjabang, djoega igama Boedha terdiri dari bebrapa tjabang. Oemoemnja orang bedaken tjabang Oetara dan tjabang Selatan. Tjabang Oetara (Tiongkok, Japan, Thibet, Kashmir) djoega dinamaken tjabang Mahayana („Kandaran besar”) dan tjabang Selatan (Ceylon, Siam, Burma h) Hinayana („Kandaran ketjil”). Tjabang Hinayana jang tjoema akoeh kitab-kitab Pri-pitaka (i. Vjnaya Pitaka, 2. Sutra Pi taka dan 3. Abhidharma). ada lebih ”toelen” dari tjabang Maba- yana?jang mempoenjai lebih banjak kitab-kitab, tapi tiada toeroet begitoe betoel Gautama poenja perla.djaran jang aseli.

Djoega atas bangsa-bangsa Barat igama Boedha oendjoek pengaroenja sampe njata ; itoe gerakan Theosophie sabagian besar ada berdasar atas igama Boedha dan Schopenhauer poenja pemandangan .tentang penghipoepan dalem banjak hal ada mirip dengen igama Boedha. Kaloe orang batja ini achli pemikir Barat poenja toelisan-toelisan seringkali orang rasaken saolah-olah saorang Hindoe dan boekan satoe filosoof Duitsch jang lagi oereiken pikirannja. Tiada bisa disangkal igama Boedha ada satoe antara igama-igama jang paling besar dan dalem dari doenia.V