Dr. Wang Chung-Hui Dan Njonja
SinPo.id - Dr Wang doeloe ada mendjadi hakim dari Hof tinggi di Tiongkok, telah wakilin Tiongkok dalem Conferentie Washington, dan sekarang djadi hakim dalem Internationale Hof van Justitie di Den Haag. Ia menikah dengen njonja Wang di taon 1913, tapi menjesel ini njonja jang terkenal terpeladjar dan tjantik soeda tida beroesia pandjang dan tinggalken Dr. Wang ka tempat jang baka ini taon.
China Press, dan boeat kapentingannja pembatja di bawah ini kita ambil ringkesnja.
Itoe soerat-kabar pertama bilang, soedagar-soedagar bangsa asing di tiongkok sabenernja tida sekali ingin hen negri toeroet tjampoer Tiongkok poenja oeroesan dalem negri, tapi sebab Hongkok telah dibikin roesak oleh tuchun-tucliun sampe begini matjem, “da bisa tida negri asing misti tjampoer tangan. Aken oeroes Tiongkok Perloe misti bikin ini negri bisa berdiri di atas dasar jang tjotjok sama keadahan djeman tida begitoe nistjaja tida bisa dapet kadoedoekan jang setimpal dalem pergaoelan di doenia Poenja pamerentah haroes bisa goenaen kakoeasahannja, kahasilan negri Misti digoenaken boeat kapentingan hajat,djangan seperti sekarang sanennja hasil jang ditilik oleh bangsa asing tida ada satoe jang kapoengoet oleh negri. Peroesahan kreta api memangnja bisa dapet oentoeng, tapi kahasilannja jang dirampas oleh Tsao Kun, Wu Pei Fu dan Chang Tso Lin satiap taon tida koerang dari limablas millioen dollar.
Djoega itoe parlement, dalem ini keadahan kaloet soenggoe tida ada goenanja sama sekali, dan boeat toeloeng itoe keadahan jang soeda roesak perloe misti dibikin gerakan jang loear biasa, jaitoe adaken satoe Commissie jang anggotanja terdiri dari orang-orang asing dan Tionghoa, masing-masing djoemblanja sapoeloe orang. Commissie ini nanti doedoek di Peking sebagi satoe badan jang mengoeroes semoea pamerentahan negri, maksoednja jalah pimpin Tiongkok aken sampe pada satoe clasar pamerentahan jang modern soepaja bisa berendeng sama laen-laen negri. Itoe sapoeloe anggota Commissie Tionghoa haroes dipili dari orang-orang dagang jang ternama dan tjinta negri, samentara anggota bangsa asing misti dipili dari rahajat sapoeloe negri, djoega dari orang-orang dagang jang terkenal,dan berdirinja itoe Commissie tjara kata ditetepken sadja sapoeloe taon. Bila soeda sampe temponja, sedikitnja Tiongkok misti soeda ada poenja lima poeloe orang dagang jang pande dalem oeroesan manierentah, itoe waktoe semoea anggota bangsa asing boleh lantas dihapoesken. Dengen tjara begini baroelah Tiongkok bisa terlepas dari tangannja tuchun-tuchun dan pinda dalem tangan orang dagang.
Demikianlah adanja itoe pikiran, tapi antara bangsa Tionghoa apatah bisa trima pikiran jang begitoe ?
