Rabindranath Tagore poenja Philosophie
SinPo.id - Rabindranath Tagore, itoe penjair bangsa Hindoe jang tersohor, ada satoe penoelis bangsa Timoer jang boleh dibilang terkenal cli negri-negri bangsa Barat. Banjak ia poenja toelisan-toelisan soeda tersalin dalem bebrapa bahasa iJarat dan banjak orang jang poedji ia poenja karangan, boekan sadja lantaran dalem maksoednja.
Tagore boekan sadja ada satoe pe- njair, tetapi salaen dari ini ia ada satoe achli pemikir Menoeroet Tagore poenja pendapetan, manoesia poenja otak boekan ada bagian jang paling penting dan boekan acla pekakas" jang satoe-satoenja boeat tjari pengatahoeA'n.
Jntuitie, jalah perasahan jang aloes, ada lebih penting boeat cljacljakin ka- benaran jang terletak lebih dalem. Dalem kitab aóhana" maka ia ada bilang: Intuïtie acla mempoenjai kapentingan besar. Kaloe kita taoe satoe hal dengen kita poenja otak, kita seperti ada terpisa dengen apa jang kita taoe. Tetapi kaloe kita tjinta satoe barang, kita seperti mendjadi satoe clengen itoe barang." Anggepannja Tagore bahoewa intuitie ada mempoenjai kapentingan besar — banjak lebih besar dari orang doega — ada anggepan jang banjak mirip dengen pendapetannja Henri Bergson, achli pemikir bangsa Fransch djeman sekarang jang terkenal.
Djoega Bergson anggep otak manoesia tiada acla sampe tjoekoep boeat djadjakin kabenaran jang terletak lebih dalem dari biasa. Intuitie ada sepérli satoe pengoen- djoek djalan dalem gowa jang terletak dalem dan gelap. Manoesia poenja otak bisa dibanding- ken dengen mata, jang tjoema bisa meliat di waktoe terang tetapi tiada bergoena dalem tempat jang tiada ada api. Siapa maoe tjari kabenaran jang terletak lebih dalem tiada bisa goenaken otak, sebab orang begini seperti satoe orang jang toeroen ka dalem gowa jang gelap dimana sang mata tiada bisa menoentoen. Dalem ini hal intuitie gantiken otak sebagi penoen- cljoek djalan.
Intuitie djadinja boekan tiada bergoena sama sekali boeat tjari pengatahoean, seperti kabanjakan orang ada anggep. Intuitie, kata Bergson dalem ia poe- nja “Introduction a la metaphysique" tiada laen dari “Vinvestigation meta- physique de l’objet”.
Allah dalem Tagore poenja anggepan ada immanent, jalah boekan tjoema ada cli sala satoe tempat, tetapi cli antero tempat. Semoea sabenernja ada satoe; segala apa jang ada berdasar atas Allah dan dari itoe pengatahoean jang paling tinggi ada pengatahoean tentang Allah, lantaran tjoema dengen begitoe orang taoe dasarnja jang dalem dari semoea jang ada.
Ini anggepan monistisch ada mirip clengen anggepannja Spinoza jang djoega pandang Allah sebagi dasar jang satoe-satoenja dari segala apa jang ada. Dalem „Ethica" ia ada bilang : Dalem existentie betoel kitaorang berbeda, tetapi dalem essentie kitaorang sabenarnja Satoe. Dan dari itoe seperti djoega Tagore, Spinoza anggep pengatahoean jang paling tinggi ada pengatahoean tentang Allah.
Kaloe maoe bandingken Tagore dalem ini hal dengan satoe achli pemikir djeman sekarang orang boleh seboet Giovanni Gentile, satoe penoelis Italiaan jang antara laen-laen telah terbitken “Discordi di Religione” (1920).
Tiada boleh diboeat heran orang jang beranggepan seperti Tagore, tiada per- tjaja boeat salama-lamanja bangsa- bangsa Barat dan Timoer aken terpisa satoe pada laen. Menoeroet Tagore poenja pikiran Barat dan Timoer melaenken terpisa sabegitoe lama belon djadjakin dasar pengidoepan jang lebih dalem. Kaloe Barat dan Timoer masing-masing ber- diri di itoe dasar jang dalem, doea- doea aken seperti mendoesin iaorang sabenarnja berdiri atas satoe dasar. Atawa aken pake terminologie dari Spinoza: Dalem existentie Barat dan Timoer ada berbeda, tetapi dalem essentie Barat dan Timoer ada Satoe.
