Sembajang Di Klenteng Boeat Ratoe

SinPo.id - Dari sana sini tersiar kabar pendoedoek Tionghoa maoe sembajang di klenteng akan minta berkah boeat ratoe Wilhelmina.

Kita tiada taoe siapa jang dapet pikiran jang begitoe origineel boeat minta toapekong djaga kaslametan radja dari Nederland. Tentoe sadja tiada djahatnja kaloe orang maoe njataken persobatan pada laen bangsa, asal sadja djangan orang sabisa-bisanja maoe beli orang poenja persobata, dengen membongkokin diri katerlaloean.

Persobatan tjoema bisa ada antara doea bangsa jang deradjatnja dari doea fihak dipandang sama kaloe satoe fihak pandang jang laen lebih rendah boekannja terbit persobatan tapi pemboedakan. Dan satoe bangsa jang tiada “soedi" bersobat sama kita, kita poen tiada ingin angsoerken tangan. Djangan kata bongkokin diri, Kaloe kitaorang ada bangsa boedak- boedak baroelah kita koedoe beli eloeloe bangsa laen poenja sedikit sympathie !